बोट क्लबच्या इतिहसात नोंदवला गेला पहिला वॉटर कॅम्प

दिनांक २० आणि २१ ऑक्टोबर रोजी यंदा बोट क्लब तर्फ़े प्रथमच वॉटर कॅम्प आयोजित करण्यात आला होता.स्विम टेस्ट यशस्विरीत्या पूर्ण केलेल्यांबरोबरच ती न करता आलेल्यांना सुद्धा यामुळे कयाकिंग च्या नावा वल्हवण्याची सुवर्णसंधी मिळली.त्यामुळे सर्वांसाठीच हा एक उत्तम आणि अविस्मरणीय अनुभव होता. यामागे रेगाटा म्हणजे काय याची कल्पना यावी आणि कयाकिंगची ऒळख व्हावी असा बोट क्लबचा उद्देश होता.ज्यांनी या वॉटर कॅम्पमध्ये सहभाग घेतला त्यांच्या मते तर वेगाने कयाकिंग करताना पाण्याला कापत जाण्याचा अनुभव अतिशय रोमांचकारी आणि अंगावर शहारे आणणारा होता.बोट क्लबने यावर्षी नव्यानेच सुरु केलेला वॉटर कॅम्पचा हा उपक्रम सर्वांनाच आवडला.