रक्त तयार करण्याचे कोणतेही यंत्र अस्तित्वात नाही, अशा यंत्राची निर्मिती करणारा अभियंता अजून उदयाला यायचाय . पण हा चमत्कार घडे पर्यंत आपल्या बांधवांचे जीव वाचवण्यासाठी रक्तदान हाच एक पर्याय उरतो. याचीच जाण ठेवत सीओईपीत रक्तदान शिबीर आयोजित करण्यात आले होते.
महाविद्यालयाच्या मुख्य इमारतीत सकाळी ठीक ९ वाजता महाजन सरांच्या हस्ते उद्घाटन झाले.
महाविद्यालयीन तरुणांमध्ये रक्तदानाबाबत असणारी जागरुकता यावेळी दिसून आली . दात्यांमध्ये मुलांची संख्या लक्षणीय होती. परंतु मुलीही काही मागे राहिल्या नाहीत .
२५ मुलींनी रक्तदान केले. बऱ्याच मुलींची इच्छा असूनही त्यांना रक्तदान करता आले नाही. कमी वजन आणि हिमोग्लोबिन या कारणांचा गांभीर्याने विचार करायला हवा अशी गरज यावेळी लक्षात आली.
संपूर्ण दिवस हा पूर्णपणे शांततेत गेला. या कार्यक्रमाचे आयोजन स्पंदन , एन एस एस आणि ससून सर्वोपचार केंद्र यांच्या संयुक्त विद्यमाने करण्यात आले होते . स्पंदनच्या मयुरी कुशारे हिने असे सांगितले कि- हे काम म्हणजे काही फक्त कार्यक्रम नव्हता तर प्रत्येक दात्याशी चर्चा करून त्याला आधार देऊन जे प्रत्येकाने या कामात जिवंतपणा आणण्याचे जे काम केले ते वाखाणण्यासारखे आहे. तर रक्तदानांत मुलींची संख्या वाढवली जावी यासाठी काही तरी करण्याचे आश्वासन शलाका जाधव हिने दिले.